اشعار

بديت باسم الله هو ولي الأقــــــدار ... ياعالم سر الليالي وغيبــــــــــــــــــــــــــه
الواحد المعبود بيده الأعمــــــــــــار ... والرزق هو عند الولي معتنيبـــــــــــــــــــه
ياواقي إبراهيم من حامي النـــــــار ... بقدرتك يارحمن تطفي لهيبــــــــــــــــــــه
يامغرق فرعون الطاغي وجبـــــــــار ... ومجري سفينة نوح به تعتليبــــــــــــــــــه
يامدمر عاد بريح وصــــــــــــــــرصار ... ويامطلع يوسف من قليبــــــــــــــــــــــــه
ياغافر ذنوب صغيرات وكبــــــــــــــار ... ويامشفي أيوب مما أبتليبــــــــــــــــــــــه
من بعد ذكر الله نبدي بالأسطــــــار ... نكتب بيوت بالمعاني عجيبــــــــــــــــــــه
يابو مرضي صابني البارح أفكــــــــار ... ياشبه سيل قام يلطم شعيبـــــــــــــــه
ابديت لك يالقرم يانسل الأحـــــــرار ... أهل المواقف بالأمور الصعيبــــــــــــــــه
ياشيخنا مانبي غيرك ونختــــــــــــار ... لك المحبه بالصدور الرحيبـــــــــــــــــــه
يفداك اللي بين الرجاجيل نقــــــــار ... هرج يقفيبه وهرج يجيبـــــــــــــــــــــــه
تراك من ربع يدوسون الأخطــــــــار ... عدوهم تصبح حياته مخيبــــــــــــــــــه
من دور ساجر بالفعايل لكم كـــــــار ... أصحاب المعاني حقهم ماأغديبـــــــــــه
ياعل مسكانه بجنات وأنهـــــــــــــار ... بعفو رب كلنا نلتجيبـــــــــــــــــــــــــــــه
أولاد حسن من قديم لك أنصـــــــار ... ليا جا نهار فيه يوخذ عزيبـــــــــــــــــــه
أولاد حسن عز للضيف والجــــــــــار ... والأجنبي عندهم ينسى قريبـــــــــــــه
أعمهم بالطيب وافين الأشبــــــــــار ... العزوه اللي دايم نعتزيبــــــــــــــــــــــــه
حبيت أبين وأذكر بعض الأخيــــــــــار ... فعولهم بالمراجل طريبــــــــــــــــــــــه
منهم خشم أمير بطل ومغــــــــــوار ... والخيل من فعله تقفي مهيبـــــــــــــه
زايد طويل الفخذ ينخاه محتـــــــــــار ... فك العجيه من غزاة غصيبــــــــــــــــــه
شمران هو طير السعد حر الأوكـــار ... كم شيخ قــــوم صار عنده قضيبــــــــه
تريشات ليا ركبو قب الأمهــــــــــــار ... فريس من فريس شب وشيبـــــــــــــــه
ولا السهيكي ينطح الجيش ســـيار ... زبن الدخيل ليا ارتختبه هليبـــــــــــــــه
فلاج هو فلاج بضيعات الأبصـــــــــار ... ساس الشجاعه والمجاني عريبــــــــه
صامل صمل بالمرجله سر وجهـــــار ... يشهد له التاريخ مما احكيبـــــــــــــــــه
سلطان سلطة كل عايل ومكــــــــار ... شامت له الخفرات من فعل طيبـــــــــه
عايد من فوق الخيل به تجمح الطار ...اليا درع بالقوم يكثر ذهيبـــــــــــــــــــــه
مريزيق بالأفعال تذكر له أذكــــــــــار ...خيال سبلا والمضارب عطيبـــــــــــــــــه
مسهوج راع السيف نطاح الأشــرار ... ياويل خصمه طاح بأكبر مصيبـــــــــــــــه
حسيب الجماح يوم الدخن ثـــــــــار ... قلايعه عشرين ةلاهي غريبـــــــــــــــــه
ظويهر المقدام مايقبل أعــــــــــذار ... اللي على العدوان عجل هذيبـــــــــــــه
لباد يوم الوالده صاحت أنـــــــــــذار ... أرخص بروحه دون ذوده جليبـــــــــــــــه
قريبان وقت اللازمه للطلب غـــــــار ... رمحه طويل والمعادي يصيبـــــــــــــــــه
ثويني على صم الرمك يفرح الجـــار ... دبجان فعله كل حي دريبــــــــــــــــــــه
نقا على الفزعات مقدام وإن غــــار ... من فوق خيل مكسرات سبيبــــــــــــه
دانوق فعله عنه تنبيك الأخبـــــــــار ... وكل الفحوله بالمواجه حريبــــــــــــــه
عايد ابن مسفر بالفعل جســــــــار ... ومنزل رمى الخيال خطر صويبــــــــــه
لاشك ابن خضير يوم اللقا حـــــــار ... يفزع مفزاع الأخيذ ويجيبــــــــــــــــــه
بردات أبو فرهود الخصم ينهــــــــار ... غدير على القالات خايب طليبـــــــــــه
وقيت بالضيقات للقوم مذعـــــــــار ... ليا صارت اللقوات ضيع لعيبــــــــــــــــه
ابن سبيل قدم الهجن مانـــــــــــار ... متقدم ربعه ولافيه ريبــــــــــــــــــــــــه
مطر ابن حماد للجمع كســــــــــار ... الجمع لوهو واقف ما يهيبـــــــــــــــــــه
وجليل يعطي جزيلات الأبكـــــــــار ... يبغى الأجر ياعل ربه يثيبــــــــــــــــــــه
يوم المعادي صال بالليل غـــــــدار ... خلوه خسران يجر الغليبــــــــــــــــــــه
وعذاب عذب بالكرم لكل مــــــــرار ... ذباح حيل بالسنين العصيبــــــــــــــــــه
أبو خليل اللي على الكود صبــــار ... البيت شامخ ولا يمله شريبـــــــــــــــه
هذي فعايلهم ولابها انكـــــــــــــار ... قول بلا صدق سماج ومعيبـــــــــــــــــه
ياليت دور الصحابه لنــــــــــــا دار ... كل على حقه يبين طليبــــــــــــــــــــــه
صلاة ربي عد ما طـــــــــــاف زوار ... على النبي المصطفى نقتديبــــــــــــــــه